clica sobre las fotos – klaku sur la fotoj – cliquez sur les photos - click the pictures - clica nas fotos
p 1 |
 |
----------- |
p 2 |
 |
p 3 |
 |
---------- |
p 4 |
 |
p 5 |
 |
---------- |
p 6 |
 |
p 7 |
 |
---------- |
p 8 |
 |
Västergötland: Anten, Gräfsnäs, Alingsås, Hedared
Unue ni veturas al la lago Anten, laŭ kiu iras 12- kilometra muzea fervojo kun vaportrajno. La vapora trajno haltas ĉe Gräfsnäs, ruino de kastelo el la 16-a jarcento. Poste ni vizitas la urbon Alingsås, fama pro siaj kafejoj. La lasta ekskursocelo estas la kapelo de Hedared, la sola restanta Stavkyrka (ligna preĝejo kun vertikala ĉarpentaĵo) en Svedio, kiu estis konstruita en la 13-a jarcento.
Bohuslän
Lysekil estas urbeto ĉe la marbordo de norda Bohuslando (Bohuslän), ĉe la komenco de Gullmarn, la sola fjordo de Svedio. Rondvojaĝo en Lysekil. Vizito al la mara muzeo Havets Hus (la Domo de la Maro), kun pli ol 100 specioj de enmaraj estaĵoj en pluraj akvarioj. En la plej granda akvario vi povas iri en vitra tunelo ĉirkaŭita de 140 000 litroj da akvo
Äskhult, kastelo Gunnebo
Antaŭ ol atingi Äskhult oni haltos por admiri restaĵojn de la iama glaĉero Fjärås Bräcka, ĉe la okcidenta flanko de la lago Lygnern, kiu distingiĝas per kvarkilometra frontmoreno kreita dum la lasta granda glaciepoko. Ĉe unu flanko oni vidas la belan lagon, kaj ĉe la alia la maron fore. Äskhult estas kampara vilaĝo en stilo ordinara por la 18-a jarcento. Ĝi montras al ni la ĉiutagan vivon en la malnova sveda kamparo. Poste ni vizitos la farmbienon 20 Öströö por spekti duonhoran prezentadon pri la vivo en ŝafa farmo. La ekskurso pluiros al la palaco de Gunnebo, kiu estas unu el la plej bone konservitaj palacoj de la 18-a jarcento.
La parko kaj la legom- ĝardeno estas rekonstruitaj en la origina stilo. Ekstre riĉa laŭenhave, tiu ĉi ekskurso donas eblon konatiĝi kun malnova vilaĝa vivo, ŝafbreda kulturo kaj vivstilo de la iamaj riĉuloj.
